Првиот човек на УЕФА со моќна порака пред мечот меѓу Србија и Албанија

Александар Чеферин, претседателот на европската куќа на фудбалот (УЕФА), се осврна на претстојниот натпревар меѓу Србија и Албанија во рамките на квалификациите за Светското првенство.

„Орлите“ играат против Албанија на 11 октомври (20.45), најверојатно во Лесковац, а пред тој дуел Чеферин испрати порака на предупредување.

„Мојата порака, не само за овој натпревар, туку за сите, е дека фудбалот и спортот треба да ги обединуваат луѓето, а не да ги раздвојуваат. Треба да се ослободиме од оние идиоти кои го користат фудбалот за своите апсурдни идеи. Тие не го сакаат фудбалот, туку само себеси и го користат за да ги шират своите бесмислени идеи“, порача Чеферин од Тирана.