Проблеми во Далас – се организираат протести поради Дончиќ

Трејдот на Лука Дончиќ од Далас во Лејкерс ги разгневи сите навивачи на маверикс. Толку се лути што решија да започнат акција за собирање пари, но не само тоа. Организираат и протести против сопственикот на франшизата и генералниот менаџер Ник Херисон, кој сакаат да ги избркаат од клубот.

На официјалната страница на која собираат пари веќе имаат повеќе од 40.000 долари и таа сума и натаму расте.

„Херисон и семејството Аделсон направија нешто што никој не можеше ни да си замисли, го размениле нашиот омилен Дончиќ во Лејкерс за често повредениот Ентони Дејвис и само еден пик од првата рунда. Еден пик. Како голем фан на Далас, шокот, фрустрацијата и тагата решив да ги решам вака. Разговарав со семејството и пријателите кои имаат слично мислење и решив да ја започнам акцијата. Планот ни е целиот простор околу салата да го облепиме со протестни билборди и така да им дадеме до знаење на сите во клубот дека Далас заслужува повеќе“, стои во објаснувањето.