Приведени две лица: Семејството на Шумахер добивало уцени

Обвинителството во германскиот град Вупертал објави дека семејството на седумкратниот светски шампион во Формула 1, Михаел Шумахер добивало уцени.

Полицијата приведе две лица кои се поврзани со случајот. Тие наводно им се заканувале на вработените во семејството Шумахер со објавување на досие на семејството кое е сокриено за очите на јавноста.

Уценувачите барале милион евра за да не ги објават документите на интернет, по што полицијата веднаш реагираше и уапси татко и син од Вупертал.

За здравствената состојба на Шумахер се познати малку детали по несреќата која му се случи на скијање.