Премиерлигашите се приклучија во трката за вундеркиндот од 100 милиони

Младиот француски играч за врска Ајуб Буади е желба на премиерлигашите Челзи и Арсенал, пренесува „РМЦ спорт“.

Буади го привлече вниманието на пошироката јавност со блескава игра во победата на неговиот Лил, каде што и се афирмираше, над Реал Мадрид пред една година, од тогаш е стандарден дел од првиот тим.

Според овие информации, Буади е најблиску до договор со Арсенал. Сепак, Англичаните ќе имаат силна конкуренција бидејќи 18-годишниот играч за врска го посакуваат и Пари Сен Жермен, како и италијанскиот Јувентус.

Според наводите на белгискиот фудбалски инсајдер Саша Таволије, во Лил не планираат да го отпуштат својот бисер за помалку од 100.000.000 евра! Актуелниот договор со францускиот клуб му истекува во 2027 година и активно се работи на негово продолжување.