Познато кога Ѓоковиќ ќе го игра првиот меч во Индијан Велс

Новак Ѓоковиќ ќе започне да се натпреварува на мастерсот во Индијан Велс во ноќта помеѓу сабота и недела.

Организаторите го одредија терминот во кој Ноле треба да излезе на терен. Неговиот меч против Холанѓанецот Ботик ван де Зандшулп треба да започне околу полноќ.

Тие ќе играат како трети на централниот терен. Програмата започнува од 20 часот по средноевропско време. Првиот натпревар ќе се игра помеѓу шампионката на Австралија Опен Медисон Киз и Потапова.

Потоа следи мечот помеѓу двократниот последователен шампион на Индијан Велс Карлос Алкараз и Ализа.