Познато е кога се враќа Леброн Џејмс во акција

Леброн Џејмс ќе го пропушти почетокот на новата НБА сезона поради оштетување на нервот и проблеми со повреда. Сега е познато и кога се очекува еден од најдобрите кошаркари на сите времиња да се врати на теренот.

Според информациите од инсајдерот на ЕСПН, Шемс Чаранија, Џејмс треба да биде на теренот средината на ноември.

Џејмс има закажано нов преглед кај лекарите на 30 октомври и тогаш ќе се види како напредува неговото закрепнување.

Шемс додава дека Лејкерс не се загрижени што ќе пропушти 10 до 15 натпревари на почетокот на сезоната.

Леброн има 40 години и во декември ќе наполни 41, а во просек минатата сезона забележа 24,4 поени, 7,8 скока и 8,2 асистенции на 70 одиграни натпревари.