Потрес во македонскиот фудбал: Бабунски потпиша за Вардар!

Македонскиот фудбалер Давид Бабунски и официјално е нов фудбалер на Вардар, откако денеска беше потврдена неговата соработка со скопскиот прволигаш. Искусниот играч стави потпис со „црвено-црните“ и за него ова ќе биде прв клуб на домашната сцена.

Со ангажманот на Бабунски, Вардар добива големо засилување во средниот ред и дополнителен квалитет во борбата за самиот врв на табелата. Тој доаѓа без финансиска отштета, по истекот на договорот со шкотскиот Данди јунајтед, каде што настапуваше во изминатата сезона.

Кариерата Бабубнски ја започна академијата на Барселона, по што следуваа настапи за Црвена Звезда, Јокохама Ф. Маринос, Омија Ардија, Ботошани, Виторул Констанца, Дебрецен и Мезоковешд.

За сениорската репрезентација на Македонија има запишано 18 настапи, а претходно играше и за сите младински категории, вклучувајќи ја и селекцијата до 21 година, за која постигна пет погодоци.