Поранешната ѕвезда на ПСЖ и Тотенхем блесна во Бразил и ја покажа својата „магија“ (Видео)

Синоќа во рамките на четвртото коло од бразилската Паулиста се одигра голем дерби натпревар помеѓу Сао Паоло и Коринтијас, а својата магија ја покажа еден играч, добро познат на европската фудбалска сцена.

На целосно исполнетиот стадион До МорумБИС во Сао Пауло се одигра голем дерби во навистина одлична атмосфера.

Во првото полувреме не видовме многу од играта, но потоа во второто полувреме следуваше атрактивен фудбал, првенствено во изведба на Лукас Моура и Оскар.

Во 49. минута поранешниот играч на Челси, Оскар, упати центаршут од корнер, а гол постигна Лукас Моура.

Седум минути подоцна и самиот Оскар се најде на листата на стрелците и зголеми предноста на Сао Паоло..

Во 63. минута тимот на Коринтијас се врати во игра со гол на Хосе Мартинез, но славјето беше кратко.

Само минута подоцна се случи најубавиот момент на натпреварот кога Лукас Моура “заигра самба” на теренот и ја покажа својата магија.

ESTAMOS DIANTES DE UMA DAS MAIORES SACANAGENS DA HISTÓRIA

OLHA ESSE GOL DO LUCAS MOURA

MEU DEUS DO CÉU, MEU DEUS pic.twitter.com/4KXJM6S0ii

— Noite de Copa (@Noitedecopa) 26 јануари, 2025