Педро Нето против ПСЖ направи срамен потег, па се извинил дури 35 пати (Видео)

Педро Нето се најде на удар на критики откако го турна момчето задолжено за собирање топки за време на натпреварот кога Челзи се соочи со пораз од 2:5 против Пари Сен-Жермен во Лигата на шампионите. Инцидентот се случи во судијата додаденото време, кога португалскиот крилен играч се обиде брзо да изведе аут и го турна момчето во градите кое, како што изгледаше, се двоумеше да ја врати топката на теренот.

Оваа тешка ноќ за Челзи во Париз дополнително ја засени овој контроверзен потег на Педро Нето. При резултат од 4:2 за домашниот тим, неговата желба брзо да продолжи со играта се претвори во физичка конфронтација покрај аут-линијата. Нето го турнал собирачот на топки кон рекламните паноа, а навивачите на социјалните мрежи веднаш го нарекоа „одвратен“ потег. Иако неговото дејствие беше грубо, 26-годишниот фудбалер избегнал жолт картон, но сеуште му се заканува потенцијална казна од УЕФА поради реакцијата.

За да ја поправи ситуацијата, Нето по натпреварот се сретнал со момчето и му се извинил лично. Откри дека во овој разговор му помогнал неговиот сонародник од португалската репрезентација и играч на ПСЖ, Витиња, за да се увери дека момчето разбрало зошто му е жал.

Крилниот играч на Челзи му го подарил и својот дрес, а подоцна се појавил пред камерите на ТНТ Спортс за јавно да изрази каење. Тој нагласил дека ова однесување не е во склад со неговиот карактер и дека било поттикнато исклучиво од притисокот на неповолниот резултат.

O Pedro Neto empurrou o gandula pra pegar a bola 😳

pic.twitter.com/FvJMRcMZ5S

— DataFut (@DataFutebol) March 11, 2026

“Сакам да се извинам. Веќе разговарав со него. Тоа беше во жарот на моментот. Губевме и сакав да ја земам топката. Малку го турнав, а тоа не смее да се случува. Видов дека го повредив, а јас не сум таков. Тоа беше во афект, му го дадов мојот дрес. Морам да се извинам. Навистина, навистина ми е жал за тоа”, објасни Нето и додаде:

“Веднаш се обратив со него и се насмеавме, задоволен беше затоа што му го дадов дресот, а јас се извинив можеби 35 пати. Не го разбирав што зборува на француски, но се насмеа и мислам дека разбрал дека тоа беше во жарот на борбата.