Паргвај преку пенали ја елиминира Германија од Светското првенство

ФУДБАЛСКАТА селекција на Парагвај го обезбеди пласманот во осминафиналето на Светското првенство по победата преку пенали, со вкупен резултат од 5:4. Следниот противник ќе го добие од натпреварот меѓу Франција и Шведска. Во регуларниот дел и продолженијата, мечот меѓу Германија и Парагвај заврши нерешено 1:1. Преглед на највозбудливите моменти може да се види ОВДЕ.

Германија започна офанзивно од самиот старт на утакмицата. Тренерот Јулијан Нагелсман одлучи да почне со двајца напаѓачи, поставувајќи го Кај Хаверц на позицијата “десетка”, додека Дениз Ундав ја презеде улогата на извршувач во нападот.

Од почетокот, германската екипа создаваше силен притисок врз Парагвајците, кои главно беа ограничени на 30 метри од сопствениот гол. Во првите 45 минути, Парагвај успеваше да одолее, успешно отклонувајќи ги акциите на противникот со прекини или одземање на топката.

Енсисо со изненадувачки гол за водство на Парагвај

Парагвај успеа да поведе со 1:0 во 42. минута. Матијас Галарза испрати центаршут од десната страна кон Хулио Енсисо, кој остана незабележан од германските дефанзивци. Со удар со глава го надмудри противникот и го доведе својот тим во предност.

Отпорот на Парагвај беше пробиен во 54. минута кога еден од бројните центаршутови на Германија донесе резултат. Флориан Вирц ја испрати топката, а Кај Хаверц ја упати во мрежата, израмнувајќи го резултатот на 1:1.

Натпреварот продолжи до пеналите, каде што повеќе среќа и концентрација имаа Парагвајците. Орландо Гил ги одбрани ударите на Ник Волтемајде и Кај Хаверц, додека Џонатан Тах го промаши целиот гол. Мануел Нојер го одбрани пеналот на Фабиан Балбуена, а Антонио Санабрија нго промаши голот.

Решавачкиот погодок за Парагвај го постигна Хозе Канале, а исто така беа успешни Матијас Галарза, Матијас Гомез и Маурисио. За Германија голови постигнаа Јамал Мусиала, Џошуа Кимих и Надием Амири. Ова беше првпат Германија да биде елиминирана на пенали на Светското првенство.