Националната селекција на Македонија во Фудбал 7, под водство на Горан Пандев и уште неколку легенди на македонскиот фудбал, ќе го има своето деби на престижниот Куп на конфедерациите. Турнирот ќе се одржи во Рим на 13 и 14 декември и претставува важен чекор за развојот на овој спорт кај нас.
Македонскиот тим покрај Пандев ќе биде составен уште од: Един Нурединовски, Матеј Малинков, Бобан Грнчаров, Златко Таневски, Бојан Марковски, Влатко Гроздановски, Никола Глигоров, Дарко Глишиќ, Бобан Јанчевски и Филип Ивановски.
Како екраните влијаат на детскиот развој? Разговор со дефектолог
Поканата за учество пристигна директно од претседателот на ФИФ7 Европа и Калчо 7/8 Италија, Фабрицио Лофреда.
Ф7 е спорт во експанзија – брз, динамичен и исполнет со акција. Помалиот терен, побрзите транзиции и бројните дуели создаваат игра со многу возбуда, што го прави овој формат сè попопуларен меѓу играчите и публиката ширум светот.
Македонија ќе го отвори турнирот против домаќинот Италија, која е актуелен вицешампион од Светското првенство во Бразил. Италијанскиот тим ќе биде засилен со неколку звучни имиња од професионалниот фудбал, меѓу кои Гаетано Д’Агостино, Алесио Черчи, Давиде Москардели, Леонардо Бонучи и Антонио Ди Натале – што гарантира вистински спектакл уште на самиот старт.
Учество во игри на среќа е дозволено за лица со 18+ години. Играј одговорно!