Ова се деталите: Арнолд ги договори условите за соработка со Реал Мадрид

Фудбалерот на Ливерпул Трент Александер-Арнолд ги договори условите за соработка со Реал Мадрид и ќе го засили шпанскиот клуб летово како слободен играч, дознава „Скај Спортс“.

Медиумите долго време шпекулираа каде ќе ја продолжи кариерата десниот бек.

Неговиот актуелен договор со Ливерпул истекува на лето, а од јануари има право да договори и потпише договор со кој било друг тим.

Според информациите на „Скај Спортс“, Александер-Арнолд ќе потпише петгодишен договор со Реал.

Англичанецот во Мадрид ќе заработува 15 милиони евра годишно, со значителни бонуси додатно. За споредба, овој 26-годишник во Ливерпул инкасира околу 11 милиони евра по сезона.