Ова е една од најголемите промени: ФИФА по две децении промени правило за групите на Мундијалот

Светската фудбалска организација измени важно правило за Светското првенство 2026.

ФИФА официјално потврди една од најголемите промени во групната фаза на натпреварувањето пред претстојното Светско фудбалско првенство.

За првпат од Светското првенство во 2006 година, меѓусебната пресметка на репрезентациите ќе биде примарен критериум за утврдување на рангот во групата кога две или повеќе екипи имаат ист број бодови.

Тоа значи дека гол-разликата нема повеќе да има приоритет, што беше случај на последните четири Светски првенства. Конкретно, ако две репрезентации соберат ист број бодови, прво ќе се земе предвид меѓусебниот натпревар. Ако и ова не ја реши ситуацијата, тогаш доаѓаат на ред други параметри, вклучувајќи ја и гол-разликата.

Сепак, за пласманот на третопласираните репрезентации, правилата остануваат исти. Во тој случај, гол-разликата сè уште е првиот критериум при рангирањето на екипите кои го завршуваат натпреварувањето на третото место во нивните групи.