Oткриени детали: Лаутаро ги загубил нервите по финалето, беснеел и фрлал работи низ соблекувална!

Аргентина не успеа да ја одбрани титулата откако во финалето на Светското првенство загуби од Шпанија, а по натпреварот се појавија гласини за можни тензии во соблекувалната на „Гаучосите“.

Шпанците стигнаа до триумфот со победа од 1:0 во продолженијата, а одлучувачкиот гол го постигна Феран Торес. Тренерот на Аргентина, Лионел Скалони, целосно го изостави напаѓачот на Интер, Лаутаро Мартинез, кој остана на клупата за сите 120 минути.

Особено внимание привлекла одлуката на Скалони во 102-та минута, кога наместо напаѓачот Хулијан Алварез, го внесе дефанзивецот Маркос Сенеси, дополнително затворајќи ја екипата. Само четири минути подоцна, Шпанците го постигнаа победничкиот гол.

По финалето, некои аргентински медиуми објавија дека Лаутаро Мартинез бурно реагирал во соблекувалната поради фактот што не добил ниту една минута во финалето. Наводно тој бил многу лут, ги нападнал вербално тренерите и во гнев фрлал предмети.

Меѓутоа, овие тврдења досега не се потврдени со снимки ниту од било кого во аргентинскиот тим, па затоа треба да се третираат со доза на скептицизам.

Сепак, Мартинез не го скри своето разочарување од одлуката на стручниот штаб.

“Се боревме. Втора година по ред игравме финале на Светското првенство, но овој пат не успеавме. Би сакал да помогнев на тимот на теренот, но…”

Многумина го видоа завршетокот на оваа реченица како јасно упатена порака кон тренерот Скалони.

Разочарувањето на Лаутаро станува уште поголемо кога ќе се земе предвид дека токму тој во полуфиналето против Англија го постигна победничкиот гол што ја донесе Аргентина во финалето. Сепак, на најважниот натпревар од турнирот не доби шанса.

Одлуката на Скалони беше критикувана и од италијанските медиуми, меѓу кои и Gazzetta dello Sport, кои истакнаа дека во клучните моменти преферирал дефанзивец наместо еден од најдобрите напаѓачи на располагање.

Дали навистина незадоволството се претворило во жесток конфликт во соблекувалната засега не е потврдено. Сепак, по финалето јасно е дека односот меѓу Лаутаро Мартинез и Лионел Скалони е под будното око на јавноста.