Официјално: Наредните две кола во ПМФЛ без публика!

Комисијата за натпревари во рамките на Фудбалската федерација на Македонија објавува информација до клубовите од Прва МФЛ и фудбалската јавност за донесената одлука по барање на Министерството за внатрешни работи (МВР) во однос на натпреварите од 17. и 18. коло во Прва МФЛ. 

Комисијата за натпревари го прифати барањето и донесе одлука натпреварите од 17. коло (3 декември, 13:00 часот) и 18. коло (8 декември, 13:00 часот) во Прва МФЛ да се одиграат без присуство на публика. 

Одлуката на Комисијата за натпревари е донесена врз основа на проценка на Министерството за внатрешни работи, поради неодамнешните случувања и заради спречување на каква било форма на насилство и недолично однесување пред, за време и по натпреварите.