ФК Пелистер го започнува новиот проект за сезоната 2026/27 со избор на нов претседател. По оставката на досегашното раководство на клубот и стручниот штаб, прв чекор на акционерот – Општина Битола беше именувањето на новото раководно лице.
Како ПАМЕТНО да типувате на World Cup 2026!
По заминувањето на Александар Стефановски, довербата да го предводи клубот му е дадена на Димитар Митревски. Од клубот наведуваат дека тој бил единствениот и, според нив, најдобар кандидат за претседателската функција, а ја прифатил понудата да го води новиот проект.
Митревски има 45 години и зад себе има реализирано успешни проекти во областа на маркетингот и спортот. Во јавноста е најпознат по ангажманот во РК Еурофарм Работник и РК Еурофарм Пелистер.
Како што информираат од клубот, новиот претседател веднаш ќе започне со работа, а наскоро ќе го претстави планот за работа и ќе го избере новиот шеф на стручниот штаб.
Во наредниот период, ФК Пелистер ќе го официјализира и почетокот на подготовките, како и планот за летните подготовки.
Учество во игри на среќа е дозволено за лица со 18+ години. Играј одговорно!