Официјално: Адеми потпиша за Ујпешт

Арјан Адеми, некогашен член на македонската репрезентација, стана дел од унгарскиот прволигаш Ујпешт.

По раскинот на договорот со Динамо Загреб, Адеми ја прифати понудата на Ујпешт и ќе соработува со тренерот Дамир Кржнар, кого го познава добро од претходно.

„Арјан е вистински капитен, на кого не му е странско да даде сè од себе за победа. Тој е човек што остава впечаток со својата скромност и јасно ги разбира моите очекувања за играта. Ќе биде значајна поддршка во амбицијата оваа сезона да се истакнеме со спектакуларен Ујпешт“, изјави тренерот Кржнар зборувајќи за Адеми.