Одложени натпреварите меѓу кадетите на Македонија и Естонија

Фудбалската федерација на Македонија (ФФМ) вчера ги откажа сите настани во земјата поради трагедијата во Кочани.

ФФМ денеска ја информираше јавноста дека ги одложува пријателските дуели на кадетите на Македонија и ќе известува само за неопходните обврски.

„Поради големата трагедија во која животот го загубија многу млади луѓе, Фудбалската федерација на Македонија, во знак на почит и солидарност, праќа информација дека медиумските активности со фудбалерите од репрезентацијата на Македонија ќе бидат сведени на минимум, односно само на неопходните обврски. 

Исто така, одложени се пријателските натпревари на Македонија до 16 години кои требаше да се одиграат со Естонија во Скопје. 

Ви благодариме за вашето разбирање во овие тешки моменти“, соопшти ФФМ.