Објавени имињата на стартерите во Олстар-мечот во НБА

НБА лигата ги објави имињата на играчите кои ќе стартуваат на претстојниот „Ол-Стар“ натпревар, кој е закажан да се одигра во Сан Франциско, ноќта меѓу 16 и 17 јануари. Ова долгоочекувано шоу ќе ги собере најголемите ѕвезди на кошарката на едно место.

Како што се очекуваше, Никола Јокиќ, актуелниот МВП на НБА и еден од најдоминантните центри во модерната кошарка, по седми пат ќе биде дел од овој престижен натпревар. Тој ќе ги предводи стартерите од Западната конференција, каде што се наоѓаат и Леброн Џејмс, Шеј Гилџес-Александер, Стеф Кари и Кевин Дурант. Овие петмина ќе ги бранат боите на Западот, носејќи силна комбинација од искуство, вештини и креативност.

Од Источната конференција, номинации за стартната петорка добија Јанис Адетокумбо, Карл-Ентони Таунс, Џејлен Брансон, Донован Мичел и Џејсон Тејтум.