Oваа сезона може да ја добиеме најлошата екипа во историјата на Премиер лигата

После десет одиграни кола во Премиер лигата врвот на табелата отприлика изгледа онака како и што се очекуваше, екипите кои се истакнати како фаворити ги дели само пет бодови, изненадувањето тука е Вест Хем.

На спротивната страна на табелата е поинаква ситуацијата. Последните три екипи во лигата се Барнли, Њукасл и Норвич што не е изненадување ако се гледаат само имињата на тимовите. Изненадување се бодовите.

Последните три екипи досега вкупно освоија 13 бодови. Барнли е на седум, Њукасл има четири и Норвич после 10 кола има само два бода. Овој тим изгледа беспомошно, помина четвртина од сезоната, а тие освоија само два бода во два нерешени натпревари. Ако продолжат со вакво темпо до крајот би освоиле само 10 бода, така би биле екипата со рекордно мал број на тимови во историјата на Премиер лигата.

Досегашниот рекорд го држи Дерби од сезоната 2007/2008 со 11 освоени бодови, а во топ 3 се уште Сандерленд (2005/2006) 15 бодови и Хадерсфилд од сезоната 2018/2019 со 16 бода.