Нов валцер на напаѓачи, и на крајот Јувентус останува со празни раце!

Валцерот на напаѓачите продолжува. Откако Екитике го заврши трансферот во Ливерпул, следат нови трансфери поради фактот дека Ливерпул најде напаѓач.

Дарвин Нуњез е на продажба, но откако Наполи го зеде Лоренцо Лука, Уругваецот нема да оди под Везув. Нему не му остануваат многу опции, сè поизвесно е дека ќе се насочи кон нафтениот Исток.

Њукасл го посакуваше Екитике, сега стравува поради Исак, понуда од 100 милиони од Ал-Хилал пристигнува на северот на Англија. Еди Хау наводно ќе се насочи кон Коло Муани.

Французинот сака да остане во Јувентус каде што беше на позајмица, Италијанците понудија 10 милиони за нова позајмица, плус обврзно откупување од 30 милиони. Но, ПСЖ бара 50 милиони веднаш, сакаат да го продадат некогашниот напаѓач на Ајнтрахт во кој вложија огромни средства. Муани го сака и Јунајтед што веројатно ќе значи крај за Хојлунд, уште една промашена инвестиција. Тој би можел да се врати во Италија каде што го сака Интер. Но, ако Интер го купи Лукман, тогаш е јасно дека од доаѓањето на Швеѓанецот на Сан Сиро нема ништо.

Како што се одвива ситуацијата, Јуве би можел да остане празни раце. Затоа што го доведоа Давид, не сакаат да го задржат Влаховиќ, ако замине Муани, повторно им треба напаѓач. Само проблемот ќе биде што на крајот на август ќе има малку квалитетни напаѓачи на пазарот, ако Душан го продадат на Милан.