Нов рекорд: Со 13 години играше во Лигата на шампионите

Англискиот фудбалер Луис Муњоз го собори рекордот за најмлад играч во младинската Лига на шампионите.

Овој фудбалер има неполни 14 години, роден е на 18 декември 2011 година, а во среда оствари историски подвиг, станувајќи најмлад играч во ова натпреварување под капата на УЕФА.

Во победата на младиот тим на Арсенал над врсниците од Баерн (4:2), Муњоз влезе од клупата, што беше негово деби во оваа категорија.

Во младинската ЛШ можат да играат играчи родени во 2007 година и помлади, но дозволено е во тимот да има максимум пет играчи родени во 2006 година.

Муњоз е член на селекцијата на Англија до 15 години, и може да ги следи чекорите на Макс Доуман, кој со 15 години доби шанса да тренира со првиот тим на Арсенал.