Нова хит ситуација: Фудбалер како награда за најдобар на натпреварот доби – печено прасе! (Видео)

Норвешката лига и клубот Брин повторно се во центарот на вниманието.

На почетокот на шампионатот, и покрај поразот од Бодо Глимт, за играч на натпреварот беше прогласен голманот на Брин Јан де Бур, кој како награда доби поголемо количество јајца.

Овој пат работите отидоа уште подалеку.

Брин победи во првото коло од Купот во дуелот против петтолигашот Вархуга со резултат 4:0.

🚨• Чудни сцени во првото коло од Норвешкиот куп помеѓу петтолигашот Вархауг и тимот од првата лига Брин

• Најдобриот играч на натпреварот доби награда: прасе од 23 килограми😳 pic.twitter.com/V86ijGpb8Q

— Мартин Бјерке🇳🇴 (@NorwegianSpursy) 13 април 2025

Очекувано, играч на натпреварот беше стрелецот на три голови Хин Асе Ларсен, кој за својот труд на теренот доби и награда со тежина од 23 килограми.

Печено прасе!

Клубот во кој Ерлинг Халанд ја започна кариерата се врати во првата лига на тамошниот фудбал по 23 години. Во лигата не започна добро, доживеаја два порази, но Купот го отворија на најдобар можен начин.