Нов пораз на Реал Мадрид

Реал Мадрид претрпе пораз од 2-1 на гостувањето кај Бетис, а по ова коло постои можност да се симнат и на третото место.

На „Бенито Виљамарин“, Реал одигра силно во првите дваесет минути и успеа рано да поведе со голот на Брахим Дијаз.

Бетис ја подобри својата игра кон крајот на првото полувреме, а по корнерот одбраната на Реал се најде во лоша позиција, дозволувајќи му на Кардосо да остане сам пред Куртоа и да израмни.

Во брзото темпо на второто полувреме, за Бетис беше досуден пенал што го реализираше Иско. Ова доведе до комплетен пресврт и предност за домаќините со резултат од 2-1, што на крајот беше и конечниот исход.