Неверојатно: Први се на табела, а имаат негативна гол-разлика!

Како е можно? Тим со негативна гол-разлика водечки во соседство

Првото место во црногорската лига го држи екипа со негативна гол-разлика

Фудбалот често нè изненадува со неочекувани приказни, но она што моментално се случува во Црна Гора е вистинска реткост. Во највисоката конкуренција, лидерот на првенството по 11 одиграни кола има – негативна гол-разлика.

Главниот херој на оваа приказна е Дечиќ од Туза, кој во последното коло минимално го надигра Јединство од Биело Поле (1:0). Со оваа победа го искористија поразот на Сутјеска од Будуќност и го презедоа врвот на табелата. По овие 11 натпревари, Дечиќ има 20 бодови, два повеќе од Петровац и три од Сутјеска, а гол-разликата им изнесува 15:16.

Како е можно водечката екипа во првенството да има повеќе применети отколку постигнати голови?

Одговорот лежи во нивните резултати – речиси сите победи се минимални, додека поразите беа поубедлви.

Дечиќ оваа сезона има запишано шест победи, две ремија и три порази. Во дури пет случаи победиле со еден гол предност, а најубедливата победа била против Сутјеска со 3:1. Од друга страна, кога губат – губат убедливо. Будуќност и Бокељ ги совладале со 2:0, додека Језеро ги декласираше со 4:0. Овие тешки порази ја „поквариле“ вкупната слика и довеле до негативната гол-разлика.

Интересно е што покрај Дечиќ, уште само три клуба лигата имаат негативна гол-разлика – и сите се на дното на табелата. Ова дополнително истакнува колку е необично да се види водечка екипа со ваква статистика.