Ненад Димитријевиќ пред враќање во поранешниот клуб?

Oткако се појавија информации дека Ненад Димитријевиќ би можел да ги напушти редовите на италијанска Олимпија сега руските медиуми објавија информација за тоа кој клуб може да го доведе.

Според информациите на рускиот портал „Спорт Бизнис Онлајн“ неговиот поранешен клуб, Уникс стапил во контакт со македонскиот репрезентативец.

Македонскиот плејмејкер дресот на Уникс го носеше од 2022 до 2024 година и со овој тим стана шампион на ВТБ лигата во сезоната 2022/2023.

Сезонава настапи на 25 натпревари во Евролигата и оствари просек од 7.9 поени, 1.6 скокови и три асистенции по натпревар.