Нејмар на брутален начин одговори на шпекулациите дека неговата кариера е завршена – за 17 минути направи чудо (Видео)

Сантос синоќа забележа драгоцена победа на гостувањето кај Јувентуде (0:3) во борба за опстанок, а во центарот на вниманието беше Нејмар, кој одигра меч за паметење и потсети на најдобрите денови од неговата кариера. Сантос се најде во тешка ситуација поради разочарувачката сезона и беа на чекор од испаѓање во понизок ранг, но во претходните два натпревари успеаја да заиграат подобро кога тоа беше најважно.

Овој тим забележа и втора последователна победа во првенството поради што избегаа од долниот дел на табелата, но сè уште не се математички обезбедени за опстанок иако се многу блиску до тоа.

Иако многумина веќе го отпишаа Нејмар и дури во последно време се зборуваше дека му е завршена кариерата поради проблеми со коленото, тој им ги затвори устите на најдобар можен начин синоќа.

Поранешната ѕвезда на Барселона и ПСЖ го водеше Сантос до победа во синоќешниот натпревар, и Нејмар во второто полувреме успеа да постигне хет трик.

Ние сведочевме на фудбалска историја на стримот вечерва. Го гледавме Нејмар како постигнува хет трик во натпревар што неговиот тим МОРАШЕ да го добие за да избегне испаѓање.

Нејмар не е пропаднат.

Нејмар сè уште е ТОЈ. Фудбалско наследство. 🇧🇷🐐❤️ pic.twitter.com/JFoTzwC3Mf

— Zwë 🍟 (@ZwebackHD) 4 декември, 2025