Не доби можност во финалето, па му испрати поракa на селекторот за која цела Аргентина го критикува

Аргентина не успеа во финалето на Светското првенство, оставајќи ја титулата на селекција на Шпанија, без да создаде значајна шанса. Селекторот Лионел Скалони го избра дефанзивниот пристап, дури и по цена на изоставување на Лаутаро Мартинез, херојот од натпреварот против Англија. Два дена по финалето во Њу Џерси, се огласи токму Лаутаро…

Мартинез изрази разочарување поради поразот во финалето на Светското првенство 2026, праќајќи скриена порака до Скалони дека требало да добие шанса за игра. Многумина се согласија, бидејќи капитенот и најдобар стрелец на Интер беше во одлична форма, постигнувајќи голови против Швајцарија во четвртфиналето и против Англија во полуфиналето.

Сепак, целиот натпревар го помина на клупата, како неискористена замена во поразот од 1:0 против Шпанија, каде што неговиот тим не успеа да упати удар во рамките на голот. Молкот го прекина со порака на Инстаграм.

Даваме се од себе за да го освоиме второто последователно Светско првенство, но овој пат судбината не беше на наша страна. Многу сум горд што сум Аргентинец. Сакав да се обидам да му помогнам на тимот на теренот, но нема врска. Благодарам на сите што не поддржуваат низ овој турнир, патувајќи километри за да бидат со нас, како и на сите што не бодреа од секој агол на нашата земја, напиша Лаутаро.

Лаутаро беше стартер на првите четири натпревари на Светското првенство, но потоа го загуби своето место во тимот од Хулијан Алварес.

Одлуката за последната замена во продолжението да се искористи за влегување на дефанзивецот Маркос Сенеси, додека напаѓачот на Интер остана цел меч на клупата, беше еден од најкритикуваните потези на селекторот Скалони во аргентинските медиуми.