Навивачите речиси и да го заборавија, а тој потпиша нов договор со Јувентус

Полскиот фудбалер Аркадиуш Милик потпиша нов договор со Јувентус, соопшти денеска италијанскиот клуб.

Милик (31) игра на позицијата напаѓач, а со Јувентус потпиша договор до 30 јуни 2027 година.

Полскиот фудбалер нема одиграно ниту еден натпревар оваа сезона откако се повреди минатата година пред почетокот на Европското првенство.

Тој се приклучи на Јувентус во 2022 година и во тој период одигра 75 натпревари на кои постигна 17 гола.

Екипата од Торино се наоѓа на четвртото место на табелата во Серија А со 62 поени, а во следното коло ќе гостува кај Болоња со која се бори за пласман во Лигата на шампионите.