Наполи сѐ посилен, Конте ја носи и ѕвездата на ПСВ

Холандскиот крилен напаѓач Ноа Ланг (26) наскоро ќе стане фудбалер на Наполи.

Еден од најдобрите играчи на ПСВ го известил раководството на холандскиот шампион дека се договорил за личните услови со италијанскиот првак.

Клубот од Ајндховен ќе добие отштета од 35 милиони евра, плус десет проценти од следниот трансфер.

Ланг, кој минатата сезона постигна 14 гола и 12 асистенции, во Наполи ќе заработува 2,8 милиони евра по сезона, а договорот ќе биде потпишан на пет години.

Наполи веќе го донесе поранешниот капитен на Манчестер Сити, Кевин де Брујне, а се шпекулира дека напаѓачот на Ливерпул, Дарвин Нуњез, исто така е блиску до овој клуб.

Јасно е дека тренерот Антони Конте следната сезона ќе има значително посилен состав од оној со кој го освои Скудетото.

Фото: Принтскрин