Наместо во Интер, Мухаремовиќ би можел да заврши во Премиер лигата

Тарик Мухаремовиќ договори трансфер во Интер, но договор меѓу клубовите сè уште не постои и други тимови чекаат шанса да ги осигураат услугите на одличниот дефанзивец. Постои огромен интерес од англиската Премиер лига.

Сасуоло не се согласува на понудите од Интер кои пристигнуваат. Клубот не сака босанскиот дефанзивец да го пушти ‘под цена’ и сакаат колку-толку да ги наплатат неговите услуги.

Проблем е фактот што 50 проценти од парите од трансферот одат на Јувентус. Тоа засега создава проблем затоа што Сасуоло сака најмалку 40 милиони или околу 30 милиони плус млад играч.

Од друга страна Интер не сака да оди над 25 милиони. Тоа е понудата која е на маса и поради која засега нема поместување во преговорите.

Додека Нераѕурите чекаат, други клубови се обидуваат да ја завршат работата. Постои огромен интерес за Тарик од Англија и ќе се обидат да го донесат босанскиот фудбалер во своите редови.