Наместо во Хрватска, отиде во Мали и даде 5 милиони долари за болница

Кантé уште еднаш покажа дека не е само одличен фудбалер, туку и човек со големо срце.

Како што пренесуваат светските медиуми, францускиот ас Енголо Кантé ја искористил репрезентативната пауза за да го посети Мали, земјата на неговите предци и финансиски да помогне во изградбата на болница во Бамако, главниот град на оваа африканска држава.

Фудбалерот кој светската слава ја стекна играјќи во Премиер лигата за Лестер и Челси, како и за националниот тим на Франција, одлучи да донира дури пет милиони долари за изградба на најсовремена болница.

Неговата великодушност не е изненадување, бидејќи и претходно често им помагал на своите сиромашни потомци. Неговите родители се иселиле од Мали во почетокот на деведесеттите години и се населиле во Париз каде што Енгони се родил и добил француско државјанство.

Репрезентативецот на Триколорите, кој сега игра во Саудиска Арабија за Ал-Итихад, не е дел од тимот на Дидие Дешамп за мартовските натпревари против Хрватска во Сплит и Париз во рамките на четвртфиналето на Лигата на нации, што го искористил за да се посвети на оваа хуманитарна акција.