Австрискиот одбранбен играч Давид Алаба на крајот од сезоната заминува од Реал Мадрид, а неговите услуги веќе го привлекоа вниманието на бројни европски гиганти. По петгодишно играње во Мадрид, клубот неодамна потврди дека нема да го обнови договорот на 33-годишниот Австриец.
Гигантите се натпреваруваат за неговиот потпис
Зошто проблемот со улични кучиња СÈ УШТЕ постои? | Уште еден поткаст
Ситуацијата на Алаба во Мадрид веќе неколку недели е под будното око на најголемите клубови во светот. Според извештаите на ESPN, Манчестер Јунајтед покажува сериозен интерес за 33-годишниот играч, а за неговиот потпис размислува и Милан. Познатиот трансфер експерт Фабрицио Романо информира дека неговата иднина ја следат и клубови од САД и Саудиска Арабија, па останува да видиме каде ќе ја продолжи својата кариера австрискиот талент.
Престојот во Мадрид засенет од повреди
Алаба му се приклучи на Реал во 2021 година, доаѓајќи од Баерн Минхен, и со „Кралскиот клуб“ освои двапати Лига на шампиони и две титули во шпанската лига. Сепак, неговиот престој во шпанската престолнина беше засенет од сериозни повреди. Кон крајот на 2023 година, Алаба се здоби со раскинување на крсниот лигамент, повреди што го натераа да биде отсутен од теренот повеќе од една година.
Учество во игри на среќа е дозволено за лица со 18+ години. Играј одговорно!