Мурињо во Реал може да добие засилување и од 150 милиони евра

Жозе Мурињо наскоро се враќа на клупата на Реал Мадрид, а наводно како своја голема амбиција ја истакна ѕвездата на РБ Лајпциг, Јан Диоманде. Германскиот Спорт Билд пренесува, а фудбалскиот портал Goal потврдува, дека 19-годишниот крилен играч треба да има клучна улога во плановите на новиот тренер, и тоа како директно зошто ќе го замени Винисиус Јуниор.

Гласини за заминување на 25-годишниот Бразилец циркулираат веќе со месеци. За бразилскиот репрезентативец наводно се заинтересирани богати клубови од арапските земји. По неодамнешните турбуленции, неговиот трансфер ова лето веќе не изгледа невозможно. Во разговор со медиумите, Винисиус изјави: “Не ми се брза со продолжување договор. Важи до 2027 година, така што Мадрид и јас имаме многу за разговарање. Во Мадрид се смирени, и јас сум смирен. Претседателот ми верува, а јас му верувам нему.”

Диоманде во својата дебитантска сезона во Лајпциг длабоко импресионираше со своите настапи и привлече внимание од најголемите европски клубови. Иако неодамна даде до знаење дека би сакал да остане во Лајпциг уште една сезона, неговите најнови коментари оставаат простор за размислување.

“РБ Лајпциг мног помогна на мојата фамилија. Многу направија за мене и им сум благодарен за тоа. Тоа можам да им го вратам со добри игри на теренот. Не ми се брза со напуштање на клубот,” изјави Диоманде, но потоа додаде: “Што ќе се случи, ќе се одлучи подоцна летово. Претстои Светското првенство, а после него никогаш не се знае што може да се случи.”

Младиот играч наводно е отворен за трансфер во Мадрид, но Реал ќе мора да плати голема сума. Управата на Лајпциг најмногу би сакала да му го продолжи договорот и да го задржи барем до 2027 година, но извештајот на Спорт Билд сугерира дека вратите за заминување следното лето сепак се отворени.

Лајпциг би го продал само ако понудата надмине одредена сума, а таа, според истиот извор, е “поблиску до 150 отколку до 100 милиони евра”. Ако Диоманде заблеска на претстојниот Светски шампионат, ваков трансфер станува уште поверојатен. Реал Мадрид би имал потребните средства, особено ако го продаде Винисиус.