Мурињо отпиша еден од најголемите таленти во светот

Реал Мадрид би можел на самиот крај од летниот трансфер период да остане без еден од своите најперспективни фудбалери, но само привремено.

Според пишувањата на шпанските медиуми, тренерот Жозе Мурињо сериозно разгледува испраќање на бразилскиот напаѓач Ендрик на едногодишна позајмица за да добие поголема минутажа и да го продолжи својот развој.

Иако на прес-конференцијата кажа дека многу му значи Ендрик и дека не сака да го загуби, се чини дека Жозе добро знае дека заминувањето на младата ѕвезда сепак би било најдобриот потег за сите.

На Сантијаго Бернабеу владее голема конкуренција во нападот, а португалскиот стручњак смета дека моментално нема доволно простор за да сите офанзивци добијат прилика.

Иако Ендрик ова лето започна со сезона со големи очекувања, неговиот статус дополнително се комплицираше по доаѓањето на младиот напаѓач Карлос Еспи од Леванте.

Еспи веќе го привлече вниманието постигнувајќи победнички гол против Еспањол, со што дополнително ја зајакна конкуренцијата во врвот на нападот.

Во Реал Мадрид веруваат дека за Ендрик би било најдобро да следната сезона ја мине во клуб каде што ќе игра секоја недела, наместо да поминува поголемиот дел од времето на клупата.