„Мота во Јувентус не доби почит, не се веруваше во неговиот проект“

И во самиот Јувентус, а и навивачите, беа многу возбудени кога беше јасно дека „Старата дама“ ќе ја тренира човекот кој беше вистински хит со Болоња минатата сезона. Само девет месеци подоцна, сосема е променето мислењето за Мота како тренер и малкумина се жалат што заминал Бразилецот.

Има и такви кои сметаат дека лесно Jувентус се откажал од Мота и проектот. Еден од нив е и поранешниот агент на Мота, Дарио Канови.

– Не сакам да зборувам за отпуштањето, туку сакам за нешто друго. Тијаго Мота беше третиран со непочитување. Не зборувам овде за Јувентус – рече Канови.

Се сметаше дека Мота нема најдобар однос со играчите, а посебно неговиот однос со Душан Влаховиќ беше истакнат, кој често ги започнуваше натпреварите од клупа.

– Апсолутна неистина е дека Мота не се согласувал со играчите. Во ред е да го критикуваат како тренер, но не и како личност.

Под водство на Мота, Јувентус беше петти, и тоа зад Болоња, со учинок од по 13 победи и ремии и три порази. Покрај тоа, испадна од Лигата на шампионите од ПСВ и од Купот на Италија од Емполи.