Модриќ за Мбапе: Таква класа ретко се гледа

Легендата на Реал Мадрид, Лука Модриќ имаше само пофални зборови за неговиот соиграч Килијан Мбапе и е убеден дека неколку пати ќе ја освои Златната топка.

Вечерва ќе играат еден против друг во четвртфинален двобој во Лигата на нации.

„Тој е неверојатно талентиран, еден од најдобрите што сум ги видел. Тој е прекрасен. Нека продолжи да го прави тоа што го прави, нека продолжи да му помага на Реал Мадрид да освојува титули, а сигурен сум дека во иднина ќе биде еден од фаворитите да освои не една, туку неколку Златни топки“, изјави играчот за врска.