Moжни проблеми за Далас и Дончиќ: НБА отвори истрага

Далас по поразот од Чикаго остана без плеј-офот, но НБА лигата сега ќе отвори истрага за поразот на Маверикс во тој натпревар (112:115).

Тренерот на Далас, Џејсон Кид по натпреварот изјави дека тимот намерно се откажал од плеј-офот со цел да има подобра позиција на драфтот за да го засили ростерот за наредната сезона.

„НБА отвори истрага околу одлуката на Далас и изборот на играчите за натпреварот против Чикаго Булс, како и причината за таквите одлуки“, изјави Мајк Бас, потрпаролот на НБА.

Кајри Ирвинг, Тим Хардвеј Јуниор, Џош Грин, Макси Клебеер и Кристијан Вуд воопшто не настапија на оваа средба, додека Лука Дончиќ ги одигра само првите 12 минути.