Милиони потписи за исклучување на Аргентина од Светското првенство

Повеќе од пет милиони луѓе веќе учествувале во петицијата, која има за цел исклучување на фудбалската репрезентација на Аргентина од Светското првенство.

На веб-страницата “Argentinaout.com” е започната кампања за елиминација на полуфиналистите, без понатамошна борба, од светскиот собир. Причината е, како што тврдат, фаворизирање од страна на судиите.

„Јасно е дека ФИФА и судиите се пристрасни кога станува збор за Лионел Меси и Аргентина. Зошто би се натпреварувал остатокот од светот кога победникот е веќе одреден. Исклучете ја Аргентина од Светското првенство и дајте им на сите фер шанса“, стои во краткиот опис на веб-страницата под кој се наоѓа копче за потпис со едноставен клик.