Мбапе јавно го повикува соиграчот да дојде во Мадрид?

Килијан Мбапе денес говореше на прес-конференција пред утрешниот дуел меѓу Франција и Украина, а при таа прилика јавно го пофали и соиграчот, Дајо Упамекано.

Упамекано е на радарот на Пари Сен Жермен, а се спомнува и Реал Мадрид, и токму затоа Мбапе „индиректно“ го повика да направи следен чекор во својата кариера. На констатација на новинарот дека Упамекано е еден од најдобрите стопери во светот и дали како таков му е потребен на Реал Мадрид, Мбапе одговори со насмевка.

“Тој е полн со самодоверба и на пат е да стане еден од најдобрите оваа сезона. Во прашање е еден од тие доминантни дефанзивци кои се способни да играат висок пресинг, а таквите денес се многу важни. Покрај тоа, способен е физички да се спротистави на напаѓачите и да ги добива дуелите и тактички е феноменален. Играч е на големиот клуб Баерн Минхен и нема многу подобри, но има и подобри”, кажа со насмевка мистериозниот Мбапе и продолжи:

“Не сакам повеќе да зборувам од почит кон неговиот клуб и кон Упамекано, но кога зборуваме за играч од таков калибар, логично е дека ќе го посакува секој клуб во Европа”, истакна Мбапе.