Манчестер Јунајтед ќе го менува Онана со еден од најдобрите светски голмани?

Емилијано Мартинез од Астон Вила наскоро би можел да се пресели во Манчестер Јунајтед како нов чувар на мрежата!

Оваа вест ја објави еден од најпрестижните аргентински новинари, Гастон Едул, кој во живо сподели дека Мартинез преговара со Јунајтед и дека Астон Вила е подготвена да го продаде.

Ова и не е толку неочекувано, ако се потсетиме дека Аргентинецот се простуваше од навивачите на „Вила Парк“ на последниот натпревар минатата сезона и што неколку недели се шпекулира за неговото заминување.

Се споменуваше дека има интерес од Галатасарај, но Мартинез очекуваше подобра понуда, а сега таа дојде од Манчестер.

Не е тајна дека Рубен Аморим сакаше друг голман наместо Андре Онана, кој сега сигурно ќе биде на листата за трансфери, но реализацијата на трансферот нема да е лесна.

Прво, Јунајтед нема така лесно да го продаде Онана, првенствено затоа што го плати на Интер 50.000.000 евра во 2023 година, и поради неговите плати и амбиции да се приклучи на нов голем клуб.

Дополнително, Мартинез нема да биде евтин, бидејќи се работи за светски шампион со силен углед во Премиер лигата, а Јунајтед сака да го забрза трансферот бидејќи Камерунецот е повреден и нема да може да брани уште два месеца.

Јунајтед веќе не смета на Онана, а и да сметаше, тој нема да може да биде на теренот до почетокот на септември, па затоа приоритет е доаѓањето на Мартинез што е можно побрзо.

Унаи Емери е свесен дека ќе остане без Мартинез, а Вила се стреми кон потпишување на Марко Бизо од Брест, чиј трансфер се очекува да биде завршен наскоро.