Maнчестер јунајтед договори големо засилување од Серија А!

Играчот на Аталанта, Едерсон, е во финални преговори за премин во Манчестер Јунајтед, и наскоро се очекува официјалната потврда за трансферот во Англија.

Бразилецот треба да стави потпис на четиригодишен договор со „црвените ѓаволи“, оставајќи можност за продлжување на уште една година.

Англискиот клуб се согласи да ѝ исплати на Аталанта 35 милиони фунти, дополнети со одредени клаузули и бонуси.

Според британските медиуми, Едерсон наскоро ќе стигне во Манчестер за медицинските прегледи, по што ќе биде претставен како првото летно засилување на овој реномиран премиерлигаш.

Едерсон е дел од Аталанта од 2022 година, а претходно беше дел од Салернитана, Форталеза, Коринтијанс, Крузеиро и Депортиво Бразил.

Во бразилската репрезентација досега има три настапи, но не се најде на списокот на селекторот Карло Анчелоти за претстојното Светско првенство.