Maкедонските клубови засега само ќе сонуваат ваков трансфер: Чукарички продае фудбалер за над три милиони евра!

Од SD

Објавено на 17:00, 23 април

Доскорешниот фудбалер на Чукарички, Михајло Цветковиќ, е новиот фудбалер на Андерлехт.

Според информациите од сигурниот инсајдер, Флоријан Плетенберг, на Баново брдо ќе се заработи рекордна сума – која изнесува помеѓу 3.000.000 и 3.500.000 евра.

Михајло ја доби „деветката“, а на „Лото Парк“ се надеваат дека добиле достоен наследник на некогашните асови од Србија – Александра Митровиќ и Ненад Јестровиќ кои своевремено го носеа дресот на овој клуб.

– Многу сме среќни што го доведовме Михајло Цветковиќ во тимот за наредната сезона. Михајло е подвижен напаѓач кој може да игра во различни системи. Има добро чувство за голови и добар е во завршница. Не е чудо што како млад веќе заслужи повик во репрезентацијата на Србија – истакна спортскиот директор Оливије Ренар.

– Андерлехт е големо име во европскиот фудбал. Добро сум запознаен со клубот бидејќи има долга традиција на доведување српски напаѓачи. Нетрпеливо чекам да почне летото.