Maлдини: Сакавме Меси да го доведеме во Милан

Екс-директорот на Милан, Паоло Малдини потврди дека Милан направил конкретен обид да го доведе Лионел Меси на „Сан Сиро“, меѓутоа по извесно време сфатиле дека не се во можност тоа да го направат.

„Росонерите“ биле еден од клубовите кои направиле чекор да го доведат Аргентинецот.

„Сакавме да го доведеме Меси, се јавивме да го ангажираме, но по 10 дена сфативме дека тоа не е можно. Навистина е фантастичен играч, се обидовме, меѓутоа за нас тоа беше невозможно“, изјави Малдини.

Меси ќе потсетиме по заминувањето од Барселона го избра ПСЖ, а потоа се одлучи ова лето да продолжи во Интер Мајами.