Mурињо ги откри неговите фаворити за освојување на Лигата на шампионите

Славниот португалски тренер Жозе Мурињо ги изнесе своите предвидувања околу расплетот оваа сезона во Лигата на шампионите.

Мурињо гостуваше во подкастот на Рио Фердинанд, а во него призна дека многу го болел отказот кој неодамна го добил во Рома и дека поради римскиот клуб одбил да биде селектор на Португалија.

За Мурињо фаворити во Лигата на шампионите се Реал Мадрид и Манчестер Сити.

„Би кажал дека Лигата на шампионите ќе ја освојат Манчестер Сити или Реал Мадрид. За мене би било изненадување ако ја освои некој друг. Иако до титула можат и Баерн и ПСЖ. Би сакал тоа да биде Реал поради клубот и Карло Анчелоти“, изјави Мурињо кој Лигата на шампионите во кариерата ја освојуваше двапати (2004 со Порто и 2010 со Интер).

Фаворитите на Мурињо беа успешни во првите осминафинални натпревари. Сити со 3:1 го победи Копенхаген, додека Реал со 1:0 го совлада Лајпциг.