Mикхатаријан повеќе нема да игра за Ерменија

Хенрих Микхтаријан денес објави дека се повлекува од националниот тим после скоро 15 години и 95 одиграни натпревари.

Последниот натпревар на Микхтаријан за Ерменија беше против Германија во квалификациите за СП во Катар во 2022, група во која беше и македонската репрезнетација.

„Мислам дека ова е вистинскиот момент. Се што имам дадов за мојата татковина. Во следните години сакам да се фокусирам на клупската кариера“, стои во дел од соопштението на Микхтаријан.

Во кариерата Микхтаријан го носеше дресот на Шахтјор Доњецк, Борусија Дортмунд, Манчестер јунајтед, Арсенал и сега за Рома.