Mурињо: Ме интересира политика и многу следам – запрете ја војната!

Жозе Мурињо ја подготвува Рома за реваншот против Витесе во осминафиналето од Конференциската лига, а пред натпреварот зборуваше и за она што е најактуелно во светот во овој момент – војната во Украина.

Мурињо во оваа изјава за првпат откри дека политиката го интересиа, меѓутоа не сака да зборува јавно на таа тема. Жозе приликата ја искористи да испрати порака за прекин на војната.

„Ќе бидам објективен, мораме да ја запреме оваа војна, како и сите други. Ако треба ќе го повторувам ова секој ден. Не сакам да зборувам јавно за политика иако многу ме интересира и ја следам“, изјави Мурињо.