Mбапе го избра најлошиот момент во неговата кариера: Сакав да бидам сам и да плачам

За напаѓачот на ПСЖ, Килијан Мбапе поразот во финалето од Баерн Минхен е најлошиот момент во неговата кариера.

Баерн во 2020 година го победи ПСЖ со 1:0 во финалниот натпревар и така ги остави Французите без трофејот.

Досега за Мбапе тоа е единственото финале во најелитното европско натпреварување.

„Најлошиот момент во мојата кариера е поразот во финалето од Лигата на шампионите против Баерн. Натпреварот заврши, добив медал, но не тој што го сакав. После тој натпревар сакав да бидам сам и да плачам. Мотивиран сум да се вратам подобар и да победам“, порача Мбапе.