Напаѓачот на Наполи Ромелу Лукаку нема да учествува во последните два натпревари на тимот и нема да биде дел од него во следната сезона, јавуваат од Италија.
Зошто проблемот со улични кучиња СÈ УШТЕ постои? | Уште еден поткаст
Според денешните информации, неговиот клуб и Кралската Белгиска Фудбалска Асоцијација постигнале согласност 33-годишниот играч да го заврши закрепнувањето од својата повреда во неговата татковина, за да биде подготвен за Мундијал 2026.
Во меѓувреме, познатите новинари Матео Морето и Николо Шкира тврдат дека Наполи веќе одлучиле дека ќе се разделат со Белгиецот ова лето, иако тој има договор за уште една година.
Не само што поради физички проблеми Лукаку одигра само 64 минути оваа сезона, туку и неодамна го налути клубот со одбивањето да го заврши закрепнувањето од тековната повреда во Неапол. Се смета дека ветеранот сакал повторно да игра во Милано, но ниту неговиот поранешен клуб Интер, ниту градскиот ривал Милан не покажуваат интерес, поради што најверојатно тој ќе ја напушти Серија “А”.
Учество во игри на среќа е дозволено за лица со 18+ години. Играј одговорно!