Ливерпул нема да штеди пари – ќе плати 100 милиони евра за фудбалер од Бундес лигата

Ливерпул покажува сериозен и континуиран интерес за младиот крилен напаѓач на РБ Лајпциг, Јан Диоманде, кој се наметна како еден од најперспективните офанзивци во Бундеслигата.

Клубот од Енфилд го гледа 19-годишниот репрезентативец од Брегот на Слоновата Коска како долгорочна опција за нападот.

Неколку извори велат дека токму Ливерпул во моментот има најголем интерес во споредба со другите европски гиганти кои го следат Диоманде и се подготвени да издвојат 100 милиони евра за него.

Диоманде оваа сезона постигна седум гола и запиша три асистенции во 18 настапи во Бундеслигата и германскиот куп.